Suiga I le tulafono mo I latou e mautotogi ma aafiaga i e sauaina

O tulafono fou mo tagata mautotogi e ono le fesoasoani lea ia I latou o victims poo e aafia I sauaga I totonu o aiga e pei ona saunoa iai se tasi o sooupu I mataupu faapea.

O suiga tetele I le tulafono le ResidentialTenancies Amendment Act 1986 ole a amata faamamalu I le aso 11 oFepuali tausaga nei mae fuafua e ono aafia ai le tusa ma le 600 afe o fale.

I lalo o lea tulafono, ole a mafai ai e I latou e aafia I sauaga ona faailoa I le pule o le fale poo le landlord I totonu o le 2 aso e faapea ua fia agai ese ma le fale ae e tatau ona iai ni faamaoniga ina ia aveesea mai ai mai le maliega.

Ole finagalo la o se tasi o auaunaga e patino I tulaga faapea, le Aviva mai Kalaiesetete, o le faafitauli e ono tulai mai ona o nisi o sauaga e faigata ona iloa pe faailo foi ni ona faamaoniga, ma e iai foi le popolega ile ituaiga faamaoniga e tapa e le landlord ona e ono solia ai foi le aia tatau a le tagata mautotogi fua agai I le tulaga o loo fesiligia.

O isi suiga tetele I le tulafono e aofia ai le siitia o faasalaga mai le 50 afe I le 100 afe, le le mafai ona faasa pe le talia e le landlord o le faapipii o le broadband a le mautotogi pe a fai e leai se totogi atoa ai ma nisi o tuutuuga e faatatau I le toe faaopoopoina o le taimi e mautotogi ai.

LAUILOA

Keep uptodate with Radio Samoa activity & promotion

* indicates required