E le o mafai lava ona faalauiloaina le suafa ole alii e 28 tausaga lea ua molia nei I le fasioti tagata ona ole faalavelave na uma ai le ola o se pepe tama I aukilani I saute.
Ua suia mai le moliaga ile fasioti tagata ae na muai molia ile faaoolima. Ole pepe na uma lona ola ise fale I Sandbrook Ave I Otara ile aso 22 o Oketopa ma faia iai suesuega a leoleo.
Ile aotelega o faamaumauga faamaonia a le faamasino Judge Tini Clark na taua ai e na vaaia ele aufaigaluega a fesoasoani faavavave manuaga I foliga ma le lima o le pepe ile taimi na taunuu atu ai ile fale.
Lipotia I le aso o le aso 10 o Novema na teena ai e le ua molia ona moliaga ile faaoolima ile pepe ma o le aso e toe tulai ai I le faamasinoga faaitumalo I Manukau. Ole tolu ai lea o pepe mai Aukilani I Saute ua maliliu talu mai le masina o Me ole tausaga nei. O le pepe na uma le ola mai se fale I CloverPark I le aso 23 o Me lea e le o iai lava seisi ua molia I lea mataupu ile taimi nei, male pepe e 10 masina mai Manurewa na uma lona ola ile aso 6 o Setema. Ua iai le tagata ua molia I le taimi nei I lea faalavelave. O loo faia pea suesuega a leoleo
