Suia i le uafu I Northport ona ua pisi tele le uafu I Aukilani

Latalata I le tolu vaiaso faatoa mafai ona kilia le vaa lauoloa I le uafu I Aukilani o loo sau ma le tele o cargo mo le Kerisimasi

O se taimi umi tele, ma o le mafuaaga lea ua suia ai nei I le uafu I Northport I Marsden Point

O le aso toonai e tusa ai ma fuafuaga sa tatau ai ona taula I le uafu I Aukilani, ma ona o le faatuai o lea na toe suia ai loa ananafi

Ua faamama ai ma le avega a le uafu I Aukilani, peitai o le a tele ai ma feoaiga a loli la’u containers I le va o Aukilani ma Whangarei aua le felauaiga o le tusa ma le 1300 o containers o loo sau ma le vaa lauoloa

Lapata’I mai ai ma le pule sili o  le Road Transport, Nick Leggett o le a pisi felauaiga a loli feaveai uta mamafa I luga o auala e le o lelei atoatoa, ma ua iai le popolega o le pule sili e ono pasia mai e pulega o faleoloa le tau faaopoopo o nei fesuiaiga I tagata faatau

O le tele o oloa o loo I totonu o nei containers, e mo faatauga o le kerisimasi

Keep uptodate with Radio Samoa activity & promotion

* indicates required