Ua lipotia le molimau a se tasi o tuaoi na ia faalogoina le feei ane o tagata i le fale lea o loo ogatotonu nei i suesuega o loo faia e faatatau i le uma o le ola o se pepe 10 masina i le falemai i Te Kuiti i le faaiuga o le vaiaso.

O lipoti mai le leitio faavaomalo a Niu Sila ua ta’ua ai e ui i taumafaiga e faia togafitiga i sia pepe ae a uma lava lona ola i le aoauli o le Aso Toonai ma ua faia ai nei le suesuega a leoleo.

Ua faamaonia mai e le Oranga Tamariki le uma o le ola o le pepe ma o loo galulue faatasi ma leoleo i le suesuega.

Ua ta’ua i le lipoti o loo iai manu’aga o le pepe ma o se tala ua faate’ia ai foi lea faaitu pe ā ma le 4,500 tagata e aumau ai.

O loo fia maua e leoleo nisi e silafia ni faamatalaga i lenei mataupu.

Puna o Faamatalaga: https://www.rnz.co.nz/news/national/519083/police-launch-homicide-investigation-after-baby-boy-dies-in-waikato