Norah
Toomata Norah Leota

Suesueina i le vaiaso nei le talosaga na faaulu e Toomata Norah Leota

O galuega a le faamasinoga maualuga o le atunuu o lenei vaiaso ua faatulaga ai le mataupu na faaulu e le afioga Toomata Norah Leota o se sui tauva tamaitai na tausinio i le palota tele ua ia lu’i ai le faaiuga a le Komesina o faigapalota na filifilia ai sui tauva tamaitai e toalua e atoa iai le 6 o nofoa o tamaitai i totonu o le Palemene. 

O loo faasaga le tagi lenei i le Komesina o le Ofisa o le Komisi o Faigapalota, o le Loia Sili a le Mālō ma le afioga Aliimalemanu Alofa Tuuau faapea ma isi. O le aso Tofi o le a suesueina ai le talosaga lenei o le a tuuina atu ai finauga ma folasaga faaletulafono a loia o itu auai ma o le a suesueina e le afioga i le Faamasino Sili Satiu Simativa Perese ma isi faamasino e toalua o le Faamasinoga Maualuga le afioga ia Vui Clarence Nelson ma le afioga Lesātele Rapi Vaai. 

E pei ona silafia o loo tālia nei se faaiuga a lea faamasinoga i se tasi o finauga faaletulafono o le talosaga na faaulu atu e sui faipule tamaitai e toalua lea e le’i faatautoina, le afioga Faagasealii Sapoa Feagia’i ma Aliimalemanu Alofa Tuuau o sui o le vaega faaupufai e Puipuia Aiā Tatau o Tagata le HRPP. 

Scroll to Top

Keep uptodate with Radio Samoa activity & promotion

* indicates required