A o faaopoopo pea fale e tafana mai taavale i Aukilani e oo mai i le asō e lē o iloga ona mautinoa e leoleo le atoaga o osofaiga nei.
Mai lava le aso 30 o Me, Iuni i lona aso 5, 17, 18 ma le vaiaso mulimuli o le masina o Iuni, seia oo mai lava i le Aso Gafua o le vaiaso nei, o lea lava o loo faaauau ona ta’ua mai fale o aiga e tafana mai i taavale.
O Mt Roskill, Onehunga, Magele, Manurewa ma Otara nuu na aafia ai.
Peitai i le aotelega o mataupu nei, e lē o iloga ona iloa tonu e leoleo a mea o le va o le kegi a le Tibesmen ma le Killer Beez e mafua ai, e pei ona iai i le lua tausaga talu ai.
Ae i lipoti a le 1News e iai aiga ua aafia ma i latou o loo iai i totonu o osofaiga nei e iai sootaga i kegi.
O loo faaauau pea suesuega a leoleo i mataupu uma nei ma e sau le lipoti ananafi, e lē o iai ni faamaoniga e mautinoa ai o kegi lea e mafua ai.
Puna o Faamatalaga: Police keep ‘open mind’ on multiple Auckland drive-by shootings (1news.co.nz)
