Suesue osofaiga faaaoga ai laau malosi I Takanini ma Manurewa

I le po lava lea e tasi, taua mai foi le faaleagaina o fale faapea meatotino I Aukilani I Saute mafua mai I pulufana

Latalata I le 11 na ripotia ai I leoleo laau malosi faapapa I Manurewa, ma e taunuu atu ua matuai faaleagaina fale e lua ma le taavale

O le fale pito I luma o fale na faaleagaina e nofo ai le tina 60 tausaga le matua, ma e faafetaia e le I aafia I pulufana na tafana atu I lona fale

Molimau a leoleo o le fale lona lua lea na faaleagaina e iai sootaga ma le kegi a le Rebels, ma ua faaalia ai e leoleo le popole ona o le aafia fua o le komiuniti lautele ao fetaua’i ai kegi

Ese mai I lea, afa o le lua I le vaveao ananafi na tulai mai ai foi le isi mataupu lava foi faapenei I Station Rd I Takanini, ma o le osofaiga lenei na vaaia ai e le e ana le fale ua faaleagaina faamalama ma le taavale, e le toatasi le tagata na osofaia lona fale

E tupu lea osofaiga I Takanini o loo momoe le fanau iti I le vaveao

O lea faatoa amata suesue e leoleo nei mataupu, e ui o loo masalomia fesootaiga ma le va o kegi a le King Cobras ma le Rebels, e le o iai ni faamaumauga maumaututu e faamaonia ai

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required