Search

Suesue le pasese mai Perth sa le tatau ona sau

Ua suesue nei pe na faafefea ona sao mai I Niu Sila le pasese mai Perth I le taimi ao tapu ai lea vaega I sisifo o Ausetalia

O lea na taofia mai le Aso Faraile o le vaiaso talu ai malaga saoloto aunoa ma le faanofoesea o pasese uma mai Perth ona o le maua o cases I le komiuniti I sisifo o Ausetalia, peitai o lea na sao mai se tasi na faatoa maua I siaki a le vaega o femalagaiga ua taunuu le faigamalaga I Aukilani

I faaaliga a le matagaluega o le soifua maloloina, o lea tagata na ui ane i Sini ma agai mai ai I Aukilani ma taunuu mai ai I le Aso Gafua

O loo faanofoesea nei I le fale, ma e ui o loo sau tala e maualalo le ono lamatia ai o Niu Sila I le sao mai o lea tagata, peitai mai le soifua maloloina, o se faaiuga a le tagata e toatasi e ono faaleagaina ai ma le feoai saoloto a Niu Sila ma Ausetalia

Mai le alii polofesa suesue faapitoa I faamai, Michael Baker I tala a le Newshub, e tatau lava ona manatua o le taimi lenei o Niu Sila ua pei lava o le isi setete o Ausetalia faatusa I taimi ua sola, ma e moomia ai le galulue faatasi o itu uma e lua I totonu o le sone meamata lea ua iai

O le pasese ua suesue nei, e toe fesootai atu le vaega o femalagaiga ua oo I Northland ma I tuutuuga e iai faasalaga I se e le usitaia taiala o le saolotoga ua iai

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required