Ua suesue konekarate o galuega na maua e le aiga o le minisita ia Nanaia Mahuta, pe na iai ni faiga faaalatua.

I le salalau ai o tala ua fesiligia ai le ono aafia o le minisita I konekarate o galuega na maua e tagata o lona aiga, ua faatonuina ai nei e le minisita o galuega a le malo, Chris Hipkins le komesina o galuega a le malo ia Peter Hughes e faia lea suesuega.

Saunoa Hipkins o lea na faatalosagaina le suesue o faitioga faatautau I le ono iai o le leo o le minisita I konekarate na ioeina e faalapotopotoga e 4.

O le suesuega ua faia nei o le a iloilo ai pe na mulimulitaia taiala mo nei faaiuga
O le Kainga Ora le matagaluega lata mai na faailoa mai I le Aso Lua le faia o le iloiloga faasaga I se tasi o konekarate na tuuina atu I le kulupu e pulea e le toalua o Mahuta.

Ao faagasolo ai nei suesuega pe na ia ni aafiaga tau polokiki aafia ai faaiuga o nei konekarate, o loo tali leleia e le minisita ma ua tautino a Mahuta e le I iai sona leo I le taliaina o konekarate lea na maua e lona toalua poo nisi lava foi o lona aiga