A o suesue e leoleo Whanganui pato ua gaoia, ua valaau mai foi i tagata lautele e moomia le fesoasoani.
O pato nei na gaoia mai le Rotokawau Viginia Lake lea e faasao mo maimoaga a tagata lautele, ae mulimuli ai ta’ua mai foi isi pato ua gaoia mai isi vai.
Faamaonia mai ai foi e le puleganuu a Whanganui o lea o loo galulue nei ma leoleo i suesuega o loo faasolo.
O pato nei e oo atu i le $5,000 le faasalaga tupe pe a maua ua ave e aunoa ma se faatagana, e ese ai le isi $5,000 faaopoopo i luga o lea lava faasalaga pe a maua ua toe faatau ese atu.
Ua valaau mai ai ma leoleo i tagata lautele e valaau atu pe a silafia nisi faamatalaga.
Puna o Faamatalaga: Whanganui police investigating following reports of duck thefts – NZ Herald
