O tino maliliu e lua o ni tamaitai talavou pe ā ma le ta’i 20 ma ona tupu tausaga na maua i se unit i le itu i Saute Sisifo o Niu Sa Uelese. Fai mai lipoti o le fesoasoani faavavave na valaau ane i le nofoaga lea ina ua muai faailoa popolega o se tasi o tuaoi.
O tino maliliu o i laua ia na ta’ua i lipoti a le SBS o loo faatalia se faamaoniga poo ai tonu ia tamaitai ma o loo faagasolo foi ma le faamautuina o le mafuaaga ua maliliu ai.
O molimau a nisi e aumau lalata ane na ta’ua ai e faate’ia latou i le tala o lenei faalavelave, fai mai isi lipoti o le vaaia o meli i pusameli e lē o aoina o se tasi lea o itu na masalomia ai ua iai se faaletonu.
O loo ta’ua foi i lipoti e foliga o i laua ua maliliu o se auso.
Menu
