Suesue e leoleo ni faalavelave se lua i Magele

Na susunuina se taavale ma faalogoina ni fana o faapapa ane I le itu I saute o Aukilani ile taeao analeila fetauaina mai ni popolega faasaga I le kegi a le King Cobra ma le Rebels.

Na valaau ane le fesoasoani a leoleo I se tuatusi I Favona Road ile maea ai o le faalogoina o le pa pa ane o ni fana I le tea o le 12 ile vaveao.

Agai atu leoleom I lea faalavelave ae mulimuli ane maua se taavale ua susunu I luga o Raglan Road I Magele lava. Fai mai se faamatalaga mai le televise a Niu Sila e talitonu leoleo o nei faalavelave e iai sootaga I le mataupu I le va o kegi e lua. E lei iai nisi na faamanualia I faalavelave uma nei ae o loo faia le suesuega.

O le faalavelave ananafi e pei ona lipotia atu I talafou na taua ai se alii na ia faasaga se fana I ni tagata se toalua ao tuli atu ma leoleo I le pitonuu o Penrose, na fana e leoleo mulimuli ane ma manua ai.

O le po foi o le aso Lulu o loo lipotia le fanaina ai e leoleo o seisi foi alii I le faaitu o Hamilton ina ua fana ae I leoleo.

Sa faataotolia foi se tasi malu o le malo ile falemai ina ua fana e se tasi ao faia ona tiute I le alatele I Hamilton foi. O loo faaauau pea nei suesuega a leoleo I nei faalavelave uma.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required