O loo su’esu’e nei e leoleo i Sini le vevesi lea na tula’i i le va o le autapua’i a le Bulldogs ma le Sea Eagles na ave ai se tagata i le falema’i.
Fai mai le 9News o loo iloilo lelei e le ausu’esu’e a leoleo ata o lea vesiga i totonu o se lifi i Accor Stadium i le afiafi ananafi.
Fai mai o loo vaaia i ia videos le taumafai atu o se tasi official o le taaloga e taofia le vevesi lea ma valaau ai leoleo, maua ai e leoleo se alii 29 tausaga ua faamanu’alia ma ave ai loa i le falema’i i Concord mo togafitiga.
O le isi alii e 30 tausaga mai Greenacre na faamanu’alia foi ae lei fia faia sana faamatalaga e tusa o le vevesi.
Ua talosaga nei leoleo i nisi e silafia ni faamatalaga i le mataupu lea ina ia vave fesoota’i ane, aemaise nisi sa ono pu’eina se video o lea fusuaga.
Puna o Faamatalaga: https://www.9news.com.au/national/police-investigate-brawl-after-sea-eagles-versus-bulldogs-nrl-game/4772502a-59ac-4991-9bc7-d19f96f0bc86
