E to’atasi se tagata ua lipotia mai le maliu i se taulaga i le itu i Sisifo o Brisbane i le mae’a ona osofa’ia e se tagata i le po anapo. Fai mai leoleo Kuiniselani na valaau ane latou i se fale i Patrick St i Brisbane ma maua atu iai se alii e 48 tausaga o loo manu’a ma na i’u ina maliu ai lava mulimuli ane.  

Fai mai leoleo na susunu foi ma le fale na maua iai lea tagata ma e foliga o se tulaga na faia faamoemoeina ma sa tapēina e le vaega o fesoasoani faavavave. Ua faia nei se su’esu’ega i le fasiotia o lea tagata ma ua tālia ai se isi lipoti mai leoleo e tusa o lea faalavelave.