Search
Photo Credit: Sky News Australia

Suesue e leoleo le gaoia o se mama taimane mai se fanuamaliu i Melepone

Fai mai leoleo i Melepone e lē masani ai ona o latou suesueina ni mataupu ua gaoia ai ni meatotino mai tuugamau o tagata peitai o loo faia nei le latou suesuega i se mataupu ua feta’ua’ina ai e toalua ni alii na o la ulufale i se fanuatanu i Melepone, tatala le pusamaliu o se tina ma aveese mai ai se mama taimane i le itu i Matu i Sasae o Melepone.

O le faamatalaga a leoleo e faapea na o latou faatalanoa le aiga o le tina ua maliu mo le sailia o faamatalaga e tusa o le faalavelave ae pe iai foi se mafuaaga ua gaoia ai lea mama.

E ui la fai mai leoleo e lē na o le gaoi le manatu o iai e tusa o le mafuaaga o le faatinoina o lea gaioiga, ae ua lipotia foi e leoleo o loo maua atu nisi lipoti e foliga e iai se isi mafuaaga o le gaoia o lea mama ma e iai se sootaga i se tasi o le aiga o le tina ua maliu.

O loo fia faamautu foi e leoleo pe sa faatonuina e nisi tagata poo se kulupu le toalua lea e gaoia le mama pe leai.

Ua faamatuu e leoleo ata mai le CCTV o loo maua ai alii ia e toalua o loo fai gas masks pe ono iai se isi e silafia i laua ia.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required