O loo su’esu’e e leoleo Fiti tuua’iga na gaoia ma fai faiga tau feusua’iga e ta’ua ai tagata galulue a le kamupani vaalele a le Virigina a o iai i se tasi o falekalapu i Nadi.

E to’alua sui o le aufaigaluega a le kamupani vaalele a le Virigin Australia o lea o loo feta’ua’ina na aafia ai, ma o lea na tupu i le vaveao o le Tausaga Fou e tusa ma faamaoniga mai le Sui Palemia o Fiti.

Ua lipotia o lea ua faatalanoa e leoleo lē o loo masalomia ma o le tasi o le aufaigaluega o loo ta’ua na aafia ona o le gaoi ae o le isi o faiga tau feusua’iga.

O lē ua faatalanoa nei e leoleo Fiti e faapea o se tasi e silafia e leoleo.

Ae mai le kamupani vaalele a le Virgin i Ausetalia o lea ua auina atu i Fiti nisi o sui o le aufaigaluega e lagolago i ona tagata galulue e to’alua ua aafia e tālia ai se taimi o lenei lava vaiaso e toe taliu ai i Ausetalia pe a uma faatalanoaga o loo faia ma leoleo Fiti.

O tagata e to’alua ua aafia o loo faamautū ai nei i le faletalimalo o loo faaaogā e le Virgin e faamautū ai ona tagata galulue a o iai i luga o galuega.

O Fiti o loo faamoemoe tele i le maketi o turisi mo lona tamaoaiga, lea o loo asia e le lata i le tasi miliona turisi i totonu o le tausaga.

Puna o Faamatalaga: Fiji police investigate alleged sexual assault of Virgin Australia crew member – NZ Herald