E le o nofonofo le council a Kalaiesetete I le popole I le togalauapiga a tagata tetee I vaccine mandates o le Koviti lea ua faia I le sone na matuai iloga ona faaleagaina I mafuie

O tagata tetee nei e le o fiafia I vaccine mandates ma e faapea na amata faamaopoopo I lea nofoaga talu mai le Aso Faraile o le vaiaso talu ai

Faaalia ai e le sui o le council o loo galulue nei ma leoleo, tinei mu, vaega o faalavelave faafuasei ma isi auaunaga lautele e talanoa le mautinoa o loo saogalemu I latou nei aemaise o aiga nonofo latalata ane 

O aso taitasi o loo faatalanoa ai le au tetee ma o loo iai le naunautaiga o le council ia vave ona maua se tali filemu, ona o lea foi ua tele faitioga faaoo atu mai aiga o loo nonofo lata ane I lea nofoaga

Peitai e le o faigofie le naunau atu foi o le council I le maualuga o le lamatia o lea nofoaga mai faalavelave faalenatura I tausaga ua alu, ona e ui o loo I lalo o vaavaaiga a le council lea fanua peitai e ana e le Land Information New Zealand

O loo fesiligia pea pe ono taua lea fanau ua faailoa o le sone mumu faaleagaina e mafuie o se paka, ma afai ae faamaonia o lona uiga o le a sau uma I lalo o le tulafono 2016 o paka o loo pulea e le council

O le fanua lea ua iai o Brooker Ave ese mai ai ia Cranmer Square I le ogatotonu o Kalaiesetete lea foi na faamautu ai le isi tetee mo vaiaso mai ia Fepuari e oo mai I le masina faatoa uma atu