E toatele tagata ua talanoa i le mau avanoa faigaluega o loo sailia nei a le Amazon Australia lea e faapea o loo avanoa mai i Niu Sa Uelese, Vitoria, Kuiniselani, Ausetalia i Saute ma Sisifo.

Fai mai le 7News o loo sailia e le Amazon Australia tagata faigaluega e 1,400 mo galuega faavaitaimi i le atunuu e fesoasoani i le pikiina o oka, teuina ma le aveina atu i nofoaga e faamautu iai.

E ui e faavaitaimi ia avanoa peitai ua ta’ua mai o avanoa o le a faaaauau pea ma iai le avanoa e ono maua ai ma se konekarate faigaluega tumau i le kamupani.

Fai mai le faatonu o le kamupani, Jaiqui Marker o nei avanoa e lē manaomia ona iai sou tomai pe o ni agavaa foi aloaia e manaomia ai.

O loo mafai foi ona faafaigaluega tagata e kiliva meli ma afifi e faaaogā ai a latou lava taavale.

Puna o Faamatalaga: https://7news.com.au/news/amazon-australia-seeking-1400-seasonal-workers-across-australia–c-14477356.amp