Su’e ni avanoa e faanofoesea ai i Aukilani

E le o toe maua ni avanoa mo se tasi o nofoaga i Aukilani o loo faanofoesea ai tagata malaga mai i le atunuu seia oo atu i le Boxing Day. Ose faamatalaga lea mai se sooupu a se tasi o nofoaga ma taua ai ua matua tumu. E foliga mai o le tulaga lea ua iai le tele o nofoaga faapea i le taimi nei i totonu o Niu Sila. O loo lipotia i le aso tal mai le aso Lua lea na amata faamamalu ai le faaalia o se faamaoniga ose nofoaga ete faanofoesea ai pe a malaga mai i niusila, ua vaaia ai le toatele ua lolofi e faamautu le tulaga lea ao lei malaga mai.

Ole lipoti i le tvone i le aso ua faamatala ai le le fiafia o le toatele ona o le le mafai ona fai kirisimasi ma aiga i niusila ona o le leai oni nofoaga o avanoa mo latou i nofoaga o loo quarantine ai tagata. E 32 nofoaga faapea ile atunuu e mafai ona ofi ai le tusa ma le 6260 o tagata i le taimi e tasi. O loo faaalia ai foi e se tasi o alo pese o samoa Pene Pati ile televise tasi le taumafai mai mo se avanoa e toe foi mai ai ile atunuu mai Lonetona peitai e le mafai ona o le leai ose nofoaga quarantine o avanoa ile taimi o loo fia malaga mai ai. Na ia faalia ole faanoanoaga ona o nisi tagata e tai pei foi o ia o loo poloka i atunuu i fafo ma fia malaga mai i aiga ae foliga e le o iai se fuafuaga o faataatia mo tulaga faapea ile taimi nei mo se fesoasoani. 

Keep uptodate with Radio Samoa activity & promotion

* indicates required