Ua toe tuuina ane foi se lapataiga mai leoleo i matua ina ia mataitū lelei le fanau aemaise o le talosaga i le lautele mo se fesoasoani i le sailia pea o se van lanu paepae o loo fealuai i Melepone faafoe e ni alii ma e foliga o loo taumafai e ave faamalosi ni tamaiti aoga.

Lipotia e le 9news ua toatele tamaiti aoga i Melepone ua agai iai taumafaiga a le aualii ia, e fā mataupu na lipotia atu i totonu o le tolu vaiaso ua tuanai. O se tamaitiiti na savali ane i le aoga i le faaitū o Boronia i le Aso Lua ae agai ane se alii i se van lanu pa’epa’e ma taumafai e faapele le tamaitiiti ia alu i totonu o le taavale, na musu le tamaitiiti ma faaauau lana savaliga i le aoga ma lipoti ai loa e le aufaigaluega le mataupu i leoleo.

O se teine aoga foi e 15 tausaga sa afea foi e se van lanupaepae ma taumafai e faaoso le teineitiiti i totonu o le taavale peitai na sola ese agai i se taulaga faatau lata ane ma e faapea foi i le isi mataupu na lipoti ane mai Tullamarine na taumafai ai foi le aveina o se teineititi 14 tausaga i le van.

Tā’ua i le lipoti o le tagata o loo fetauaina e alu atu i le van e pei e mai sasae tutotonu, pe a ma le 50 tausaga.

Ua talosagaina e leoleotagata lautele i Melepone ia fesoasoani ane pe afai e silafia e se tasi se faamatalaga i lea alii poo le van lanu paepae.

Puna o Faamatalaga: https://www.9news.com.au/national/two-more-melbourne-schoolkids-targeted-in-white-van-kidnapping-attempts/3ba97beb-0b1b-4767-8ccc-a3ff6fb7b409