O loo faaauau i le vaiaso nei su’esu’ega a leoleo i le sa’ilia o se alii na te aveina se van lanu pa’epa’e ae na taumafai e ave faamalosi se tamaitiiti 11 tausaga na savali ane i lona aiga i le tuua o le a’oga i le vaiaso talu ai i le itu i Saute i Sasae o Melepone.
E talitonu leoleo o le tamaitiiti na savali ane i Halley St i le faaitu o Blackburn ae sosolo ane le van lanu pa’epa’e lea i le isi itu o le alatele ma valaau ane le alii lea i le tamaitiiti sa tuli ane o ia e lona tina e piki ia.
Na musu le tamaitiiti ma toe aga’i ese ai lea taavale.
Sa faailoa e le tamaitiiti le mea na tupu i lona tinā ina ua taunuu i le fale ma logo ai loa leoleo.Ua faamatuu mai la i le asō e leoleo se ata tuufaatasia i se komepiuta o lea tagata e fua i le faamatalaga a le tamaitiiti ma le faamoemoe e maua ai se fesoasoani i le su’esu’ega.
Puna o Faamatalaga: https://www.9news.com.au/national/blackburn-man-wanted-after-attempted-abduction-of-young-schoolboy-in-melbourne/e713ed13-c8ea-4170-b051-1225176a2905
