O le taeao analeila na folasia ai le i’uga o le faamasinoga a le tama’ita’i o Hakyung Lee i moliaga o le fasioti tagata ma le loto iai.
Ma ona o tulaga mata’utia o lenei matāupu, ua faailoa mai ai e soloatoa lea tama’ita’i Korea i le falepuipui i lona fasiotia ai o lana fanau e to’alua.
O lenei matāupu na laualuga i le atunuu i le tausaga e 2022 ina ua maua tino o nai fanauiti i totonu o ni atopa’u, na tuu iai e Lee ina ua mae’a ona ia faaoo iai le oti.
O le tulaga uigaese, i le faasolo ai o faapitoa i tino maliliu a Minu Jo ma Yuna na māua ai le lata i le fā tausaga talu ona fano ola o i laua nei.
I le tuuina mai o le i’uga a le faamasinoga, na folasia ai le faasalaga o le soloatoa i le to’ese ma le a itiiti mai e 17 tausaga faato’ā agavaa e talosaga mo le palola.
