E ui i lapataiga mai le ofisa o le vaaitau ona o timuga ma lologa peitai na faataunuuina lava le solo tetee a tausimai pasi ile ogatotonugalemu o le taulaga o Sini I le aso , o se vaega lea o le latou finau faifai pea mo le mataupu e aofia ai totogi aemaise o vaega fia faaleleia o la latou auaunaga.
O le solo tetee tuufaatasia e le Nurses and midwives association e 24 itula lona umi ma o le faalua ai lea ona faataunuu I Niu Sau Uelese. Fai mai sui o le asosi e le o fia faalogo le malo i a latou mataupu o loo tuuina atu.
O mataupu e aofia ai le toatititi o le aufaigaluega aemaise o totogi, fai mai a latou e le o mafai ona gafatia e tausimai le tulaga o iai nei le manaomiaga o el auaunaga I le setete. Fai mai le ABC sa tuuina ane se poloaiga mai le Industrial Relations Commissions e faasa ai ona faataunuu le solotetee peitai e le o usitaia e le asosi ma ona sui.
