Wellington bus
Photo: MONIQUE FORD/STUFF

Solitulafono le faaiuga a le NZ Bus

Ua faaleaogaina e le faamasinoga le faaiuga a le NZ Bus e taofia galuega a ave pasi na solo tetee I le Aso Faraile o le vaiaso talu ai

O lea na tetee ave pasi a le NZ Bus ona o le le fiafia I o latou totogi, peitai, I na I itula talu ona faasilasila mai e le iuni ae sau le tali a le pulega o le kamupani, o e solo tetee a uma le 24 itula o loo tetee ai ona malolo lea mai galuega seia maua se iuga o feutanaiga ma le iuni

O le Aso Toonai na sau ai le faaiuga a le faamasinoga e solitulafono le lockout na faailoa mai e le kamupani ma o le aso ananafi e tatau ona toe foi ai avepasi ia latou galuega

O le vaiaso nei e tatau ai I le kamupani ma le iuni ona omai faatasi e saili se fofo o le vevesi o loo iai, ma o le tali mai o le faamasinoga e solitulafono le faaiuga a le kamupani o se tala fiafia lea e le gata I avepasi na tetee ae faapea le council a Ueligitone

I tala a le leitio a Niu Sila, ao talia ai e le kamupani pasi le faaiuga a le faamasinoga, o lea ua faailoa e le tuua ai le isi faaiuga a le kamupani faia faasaga I avepasi o loo tetee pe a alualu ae le foi lava I se taunuuga lelei feutanaiga o le a faatalanoa I le vaiaso nei

Tusa ma le 100 avepasi o loo aafia I finauga a le kamupani ma le iuni o loo iai nei

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required