Ua mae’a le sailiga o le siamupini o le taamilosaga lakapi taitoafitu a kolisi maualuluga i le atunuu sa talimalo ai le motu o Savaii, ma ua faailoa i le faaiuga le maoae o le taaalo a Kolisi i Salafai.
O kolisi i le Sone C i Savaii e 5 vaega ua siamupini ai ae tasi le siamupini na maua e kolisi o le Sone A, B, ma le D i Upolu.
I le vaega o alii i le matutua e i lalo o le 18 tausaga siamupini le Kolisi o Vaiola, mo tamaitai i ‘au e i lalo o le 18 tausaga le matutua ua siamupini le kolisi o le Itu o tane, i ‘au a alii e i lalo o le 16 tausaga ua siamupini le Kolisi o Amoa, a o tamaitai i le matutua lava lea ua siamupini le kolisi o Uesile poo Wesley College.
I le matutua e i lalo o le 14 tausaga i le vaega o alii ua siamupini le Kolisi o Tuasivi, a o ‘au a tamaitai ua siamupini le Kolisi o le Itu o Tane.
Ua manino mai foi i le faaiuga o lea taamilosaga e lua aulakapi taitoafitu a tamaitai o le kolisi o le Itu o Tane ua siamupini o le vaega ei lalo o le 18 tausaga le matutua ma le vaega ei lalo o le 14 tausaga.
O le faletupe o le Bank of South Pacific sa lagolagoina malosi le taamilosaga lakapi taitoafitu a kolisi maualuluga i le atunuu, ma o taaloga sa faagasolo i le malae o le Kolisi o Don Bosco i Salelologa, o le malae o Pelenise Eteuati, ma le malae o le Kolisi o Tuasivi.
Ua mae’a le sailiga o le siamupini o le taamilosaga lakapi taitoafitu a Kolisi maualuluga i le atunuu sa talimalo ai le motu o Savaii, ma ua faailoa i le faaiuga le maoae o le taaalo a Kolisi i Salafai. O kolisi i le Sone C i Savaii e 5 vaega ua siamupini ai ae tasi le siamupini na maua e kolisi o le Sone A, B, ma le D i Upolu.
I le vaega o alii i le matutua e i lalo o le 18 tausaga siamupini le Kolisi o Vaiola, mo tamaitai i ‘au e i lalo o le 18 tausaga le matutua ua siamupini le kolisi o le Itu o tane, i ‘au a alii e i lalo o le 16 tausaga ua siamupini le Kolisi o Amoa, a o tamaitai i le matutua lava lea ua siamupini le kolisi o Uesile poo Wesley College.
I le matutua e i lalo o le 14 tausaga i le vaega o alii ua siamupini le Kolisi o Tuasivi, a o ‘au a tamaitai ua siamupini le Kolisi o le Itu o Tane.
Ua manino mai foi i le faaiuga o lea taamilosaga e lua aulakapi taitoafitu a tamaitai o le kolisi o le Itu o Tane ua siamupini o le vaega ei lalo o le 18 tausaga le matutua ma le vaega ei lalo o le 14 tausaga.
O le faletupe o le Bank of South Pacific sa lagolagoina malosi le taamilosaga lakapi taitoafitu a kolisi maualuluga i le atunuu, ma o taaloga sa faagasolo i le malae o le Kolisi o Don Bosco i Salelologa, o le malae o Pelenise Eteuati, ma le malae o le Kolisi o Tuasivi.
