O se faaeaea ae o se matāti’a le maua ai e le tama’ita’i o Anapela Polata’ivao o le faailoga taualoa o le Equity New Zealand Best Actress in a Feature i le tufatufagā faailoga a le The New Zealand Screen Awards 2025.
O se faailoga ua faaalia ua ia mauaina ona o le mata’ina i le ata tifaga o le Tinā.
Mo le silafia na tuuina atu se tasi o a tatou lipoti, i le filifilia ai o lea tama’ita’i, o se alo o Samoa e as’ili iai se tasi e na te mauaina le faailoga ua ta’ua o le 2025 Screen Personality of the Year, peita’i e na te le’i mauaina lea faailoga, ae ua amana’ia o ia mo lana taumafaiga o le ata tifaga o le Tinā, lea na ia mauaina ai le Equity New Zealand Best Actress in a Feature.
I se ata faasalalau mai le NZ Screen Awards na molimauina ai le faafetaia e le tama’ita’i Samoa o le to’atele o tagata na galulue i le pu’eina ma le tuufaatasia o lenei ata tifaga o le Tinā.
Ta’ua e Anapela, O le ata tifaga o le Tinā ua maualuga taumafaiga i tulaga tau ata tifaga ma ua vaaia le lauiloa solo i le atunuu, Ausetalia ma Amerika, ua maitauina foi le manumālō ai i nisi o faailoga taualoa.
Puna o Faamatalaga: https://www.facebook.com/share/v/1aCzbT1B4h/
