E silia male 70 fale ua faaleagaina ile afi o loo sasao pea I Perth I le itu I matu I sasae.

O le afi na faateteleina ile po ole aso Gafua ao taumafai pea fuimu e tape. Faailoa e se sui mai le Tineimu a Western Australia Darren Klemm e ui I le siitia o le numera o fale ua faaleagaina ae faafetai ona e leai se soifua o maumau ai.

O tulaga foi I le tau ua atili faigata ai le tapeina o le afi ma ua taua foi eoo atu I le 70km ile itula le malolosi o matagi ile aso lona 3 lenei talu ona amata sasao ane.

Silia male 900 hectares o le fanua ua faaleagaina ma le silia ma le 2 afe o tagata ua leai se eletise e oo I fale talu mai le aoauli ananafi.

Ua iai nofoaga faapitoa o evacuation centres ua faatulaga mo tagata ua faaleagaina fale ma nisi ua manaomia le agai ese mai ma fale.