COVID vaccine

Silia ma le to’a 10,000 tagata ua fai tui puipui

O loo faagasolo pea le faatinoga o tui puipui o le Koviti 19 i Samoa lea ua savali i le 3 vaiaso talu ona amatalia.  I faamaumauga a le Matagaluega o Soifua Maloloina ua oo atu nei i le to’a 11,950 tagatanuu ua maea ona fai o latou tui puipui seia oo i le Aso 8 o Me 2021. Mai lea fainumera e toa 6,791 o alii ma le to’a 5,159 o tamaitai.

O le vaiaso nei lea ua faagasolo ai i Itumalo o Faleata 1 ma Faleata 2 ma ua maea ona vaevaeina i nofoaga eseese i ia Itumalo ina ia gasolo iai tagata mo a latou tui puipui, ae le gata i lea o loo tatala fou nofoaga faapitoa mo tagata lautele e agai iai mo a latou tui, e pei o le Faleaoga faapitoa a le Matagaluega o le Soifua Maloloina ma le Ofisa o le Soifua Maloloina i Matagialalua.

E pei ona silafia o lea o loo iai le fuafuaga a le Pulega o tagata tafafao maimoa mai fafo e ono tatala ai faigamalaga mo Samoa i le faaiuga o le tausaga nei ma o le isi lea mafuaaga o le faagasolo ai o tui puipui ina ia taunuu lenei fuafuaga.

O Samoa e silia ma le to’a 200,000 ona tagata nuu ma o le manaoga a le pulega ia latalata i lea fainumera le aofai o tagata e faia tui puipui ina ia mafai ona taunuu ai le fuafuaga i tatala ai o faigamalaga i Samoa.

O le Atu Kuki lea ua talamalae i  le tatala o a latou alavaa , o le faamoemoe ia mafai e Samoa ona faia lea tulaga, ae e faamuamua lava le saogalemu o tagatanuu.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required