Ua augani mai le ava muamua a Thomas Phillips sei fesoasoani atu e ala I le sailia o lana fanau toatolu ua ova ma le masina o le vaaia
O Thomas Phillips, 34 tausaga o Otorohanga e le I tulai I luma o le faamasinoga ananafi I moliaga na maumau ai le taimi ma meafaigaluega a leoleo e su’e ia ma lana fanau ia Setema
17 aso na su’e ai ae mulimuli ane toe savavali mai sa I le vao
E le I leva ae toe sau tala ua toe leai foi Thomas ma lana fanau, ma o lea ua 35 iai aso I le aso e le I toe maua se isi tala
Ua faaalia ai e le tina o lea aiga I tala a le Newshub le popole ma o loo ia fia iloa poo saogalemu le fanau
O le o muamua o lea sa na o le 17 aso, ao lea ua ova ma le masina e leai se fesootaiga
Ua talosaga mai ai le tina I soo se tasi o silafia se mea o iai poo nisi foi faamatalaga e fesootai atu
O le le tulai o Thomas ananafi I luma o le faamasinoga ua tuuina atu ai nei ma lona tusi saisai
