Silia ma le faaluaina le fuainumera o tagata e moomia fesoasoani a le budgeting services, poo le paketiina o tupe

I le tele o tagata ua leai ni galuega atoa ai ma fesoasoani tupe mai le malo ua tele ina faamuta, o le masina o Iulai lea na faga ai I luga I le 1900 talosaga, ma ua silia ai male faaluaina ole fuainumera o talosaga faatusa I le taimi lava lenei o le tausaga talu ai

E lei tele ni talosaga i le faatoa uma ai o le uluai lockdown lea na amata mai ia Mati, seia oo mai ai ina si’isi’I ia Iulai ma faasolosolo mai ai lava

I faamaumauga, e le o vaavaai le budgeting service e vave sau I lalo le fuainumera o e manaomia le fesoasoani, aemaise lava o le toatele o I latou e mo le faatalosagaina o le talaina mai I tua o a latou kiwisaver atoa ai ma le faatalosagaina o fale

Taua ai e le Money Talks I tala a le leitio nz, o le toatele o I talosaga na faaoo ane o tagata fou latou te le I fesoasoani muamua iai Valaau mai ai foi male Tamaki Budgeting ia I latou e moomia le fesoasoani e valaau atu, ona e le o faigofie lenei vaitau aemaise lava le lata I le Kerisimasi.