Fiame & Tuilaepa - Radio Samoa
Tuilaepa Lupesoliai Sailele Malielegaoi & Fiame Naomi Mata'afa

Silia ma le 700 ua sainia le petition a Josefina Fuimaono Sapolu faatatau ile Palota a Samoa

Ua silia nei ma le 700 tagata ua sainia se petition ua talosaga ai I le Maota o Sui poo l House of Representatives a Niu Sila ina ia unaia le faigamalo aNiu Sila e Iloilo le faigapalota a Samoa I le tausaga lenei e faamautinoa ua faia ise faiga saoloto, talafeagai ma le faatemokarasi.

O le talosaga poo le petition e pei ona tuuina e le tamaitai loia o Josefina Fuimaono Sapolu o loo lipotia I le Pasifika Wire ma le RNZ o loo taua ai le mataupu e faatatau I le filifilia o se faipule ae lei manumalo mai lona itumalo.

E le o toe po se lilo I le atunuu I faaaliga na faailoa mai I le aso ananafi mai le ao o le Malo ma taitai o vaega faaupufai e lua o le HRPP ma le Fast e pei ona toe poloaiina ai le faia o seisi faigapalota I le aso 21 o le masina nei.

O le petition o loo faataoto ai e faapea ona o NiuSila o se uo vavalalata a Samoa ma o loo fesoasoani foi ile atunuu e ao ia NiuSila ona faamautinoa o loo faaaoga tatau ana fesoasoani ma lagolago o loo tuuina ia Samoa e pei ona faailoa e le Pasifika Wire.

O le aso 22 o le masina nei e tapunia ai le avanoa e saini ai I lea petition peitai ao talia ai seisi lipoti lata mai pe o iai se suiga I lenei taumafaiga ina ua faailoa mai lipoti lata mai o seisi faigapalota I Samoa ile aso ananafi.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required