Search
Samoa Airport Faleolo

Silia ma le 40% o tagata mai fafo e omai mai Niu Sila

I faamaumauga a le Ofisa o Fuainumera i le fuainumera o tagata e malaga mai i le atunuu o loo faamauina ai o le 40.7 pasene e malaga mai i Niu Sila.

O Ausetalia e 22.8 pasene, o Amerika Samoa e 6.7 pasene ae o isi atunuu e 12.6 pasene na malaga mai i le masina o Fepuari o le tausaga nei.

E toa 14,081 le aofaiga o i latou na malaga mai i Samoa nei i le masina na se’i mavae atu nei.

I lea numera o le 92 pasene sa malaga mai luga o vaalele a kamupani vaalele eseese e pei o le Samoa Airways, Fiji Airways ma isi.

Ae o le 8.0 pasene o i latou na mafai ona malaga mai luga o le sami poo vaa.

O le toa 9,630 o i latou na malaga mai e asiasi ma faalavelave faaleaiga.

E ui o loo pa’ū maualalo le numera o i latou sa malaga mai le masina o Fepuari o le tausaga nei pe a faatusa atu i le amataga o le tausaga, peitai o loo maitauina le alualu pea i luma o le tamaoaiga o le atunuu ona o turisi mai meli o loo malaga mai i le atunuu.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required