Silia ma le $300,000 le tau o maatāua a se tasi o faleoloa i Aukilani na gaoia i le aoteatea i le Aso Gafua. 

Mai le pule o le faleoloa o le TJ Handcrafted Jewellery i Botany, e to’alua alii na o atu ma samala ma faamata’u le aufaigaluega, mulimuli ai o ma ave le tusa ma le 3 i le 4kg o auro. 

Na lipotia e le TV1 e leai se isi ua molia i le taimi nei a o faaauau ai pea su’esu’ega. 

E ese mai i le mataupu lenei, o le Aso Gafua foi na ave ai e leoleo ni talavou e to’asefulu o loo tuua’ia i le gaoiina o se tasi o faleoloa i Blemont. 

I le po lava o le Aso Gafua na ta’ua mai ai foi se tasi o gaoiga sa faaaogā ai le taavale e soso’a ai le fale i Papakura, ma e tuufaatasia tala fou e leai se isi ua molia ai.