Covid 19 positive

Silia ma le 30 afe tagata aafia ile koviti i Vitoria

E tulaga ese le maualuga ua iai le aofai o tagata aafia mai le setete o Vitoria ile aso ina ua lipotia ua oo atu I le 34,808 tagata ua faamaonia le aafia ile faamai ma le 818 o gasegase o le koviti o loo taofia I falemai ma tagata e toalua ua maliliu

Ua faamanino mai ai loa e le faigamalo a Vitoria ma nisi o suiga ua faia ia taumafai ai e faaitiitia le pepesi o le omicron ile setete.

O suiga e aofia ai le tatau ona faia uma o tui puipui e tolu o le tagata I nisi o galuega ona faatoa mafai lea ona faaauau pea ona faigaluega.

O loo lipotia o ia suiga faatoa faamamalu I le aso Lulu o le vaiaso nei faapitoa I tagata galulue ile soifua maloloina, tausi soifua, auaunaga mo tagata e iai manaoga tumau , fesoasoani faavavave, nofoaga faanofoesea ma I latou e galulue ile gaosiga o taumafa.

O isi suiga e aofia ai le tapunia o nisi o auaunaga aemaise lava i nofoaga o siva e faia I totonu o kalapu, faamamalu foi aiaiga I nofoaga I falemai ma close contacts. E 118 gasegase o le koviti o loo ile nofoaga tigaina o le falemai ma le toa 28 o loo faamanava ile masini faamanava.

E oo mai ile taimi nei e 161,065 tagata ua faamaonia le aafia ile koviti 19 I totonu lava ia o le setete o Vitoria.

Scroll to Top

Keep uptodate with Radio Samoa activity & promotion

* indicates required