O loo faatino nei se su’esu’ega i se alii o loo feta’uaina na ia faaaogā se fana e faasiilima ai nisi i le supamaketi a Aldi i Melepone ma ua toeitiiti lua tausaga o tau sailia.
O le asō ua valaau ai leoleo i le atunuu e silasila i ata ua faamatuu atu ma ata mai le CCTV ina ia silafia ai lea tagata pe iloa se vaega o iai.
Fai mai na ia uu se fana i se tagata faigaluega ma faatonu e faatumu se ato na alu atu ma ia i tupe. Ina ua tuu iai e le tagata faigaluega le tupe na momo’e ese loa mai le faleoloa ma e le’i toe maua lava. Fai mai leoleo e leai se isi na faamanu’alia ai ae e talitonuina o se alii papalagi pe ā ma le 20 tausaga le matua.
