Silia i le 20% o tagata Samoa ua fai o latou tui puipui

Ua faamaonia mai i faamaumauga a le Matagaluega o le Soifua Maloloina le silia ai i le toa 40,000 o tagata nuu Samoa ua maea ona fai o latou tui puipui o le Koviti19.

Talu mai le Aso 12 o Iuni lea ua faamauina mai le to’a 40,113 i latou ua maea ona fai tui puipui, mai lea fainumera e toa 20,299 Alii ma tamaitai e to’a 17,814. A faa pasene lenei fainumera e tusa ma le 20% o tagata ua maea ona fai tui puiupui.

O loo faaauau pea le faatinoina o tui puipui i le atunuu lea ua oo atu le faasologa i le Itumalo a Aana Alofi No.3 ma le No.4 e aofia ai Nuu e pei o Nofoalii, Leulumoega Tuai, Fasitoo Tai, Vailuutai , Faleatiu ma Satapuala.

E pei ona silafia o le isi lea laasaga a le Malo ina ia faasopolia uma le atunuu i le faia o latou tui puipui aua lava le nofo saogalemu mai le pepesi ai o le vairusi o le Koviti19 lea ua tele ina maumau ai ola o tagata i le lalolagi atoa.

Ae le gata i lea o le faataunuuina lea o tui puipui ina ia mafai ona tatala ai ma faigamalaga i totonu o Samoa lea ua silia ma le tausaga o tapunia pea alavaa i le malaga atu i le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required