Ua faamautuina lava le sili o Ausetalia i taaloga o le Commonwealth e pei ona faato’ā faamae’a atu i le silia ma le 10 o pine auro e va ai ma le tulaga lua o Egelani.
E 67 auro, 57 siliva ma le 54 o pine apamemea na maua e le autaalo a Ausetalia i le Commonwealth mo se aofa’iga e 178 o pine atoa na maua i taaloga. O Niu Sila i le tulaga lima e 49 le aofa’iga o pine.
O lea la ua tuuina aloa’ia foi e i latou na tuufaatasia taaloga i Birmingham aiātatau mo le taligamalo i ia taaloga ia Vitoria i Ausetalia nei auā o i latou o le a talimalo i isi taaloga e sosoo ai i le 2026.
