Amata atu I le aso Sa o muamua o tagata penisiona uma I Ausetalia o le a faaopopo atu iai leisi 20tala ile lua vaiaso ile latou penisiona ina ua faia le siitaga e le faigamalo ale Fetetale. O penefiti a tagata matutua ma penefiti fesoasoani mo I latou e iai manaoga tumau atoa ai ma peimeni mo le au tausi soifua o le a amata siitia uma I le aso 20 o Mati.
Fai mai le lipoti e oo ile 5 miliona le aofai o tagata Ausetalia o le a agavaa I ia ituaiga peimeni eseese e tolu .Saunoa le minisita o le Social Services, Anne Ruston o le faiga lenei ua tuu ai tupe faaopoopo I taga a tagata o loo faalagolago I le social security system
Ua folafola foi le maua o fesoasoani mo le totogiina o fale mautotogi rent assist payments. Ua taua e le alaata 7 o le palemia Scott Morrison ma lana faigamalo o loo taumafai pea e saili nisi auala e faamama ai le avega o tulaga o le soifuaga I tagata e le gata mai le faamai, lologa ae faapea foi ma le taua I Ukraine.
