Fai mai le minisita o Madeline King mai le Resources Department a Ausetalia e lē toe tele se gaioiga a le malo e mafai ona faia i se taimi puupuu e taofiofia ai le siitia o le tau o malosiaga poo energy costs i le atunuu.  

Ua siitia le tau o le kesi e mafua foi i le taua i Ukraine ma isi mafuaaga tau le sapalai. Fai mai le minisita afai ae iai se faiga e fai iai e le faigamalo a le Palemia o loo iai nei, e pei o le toe sui o le itu e agai iai le uta o kesi e faaaogāina ai i le atunuu ae lē mo le auina atu i fafo, o le a faato’ā faalogoina aafiaga o lea gaioiga i le masina o Ianuari o le tausaga fou. 

Faaailoa e King i le ABC sa faia foi a latou faatalanoaga ma kamupani kesi i le atunuu lea ua o latou faailoa ane o loo galulue i le mafai e gata ai e faateleina le latou sapalai. Ua valaauina e le minisita mo suiga o le tau Chris Bowen se feiloaiga faavavave a minisita o setete ma teritori i le vaiaso nei e faatalanoa ai lea mataupu.