O le tau e totogi o premiums mo inisiua o taavale ua matuai maualuga i totonu o le lua tausaga e pei ona maua i suesuega a le Consumer NZ.
O le faalapotopotoga lea e tutoatasi o loo latou unaia tagata ia faia ni suesuega i providers eseese auā o le suisui solo e ono fesoasoani foi e faasao ai se isi vaega tele o tupe i le tausaga i le totogiina o inisiua o taavale.
Ua maua i le suesuega na faia o le fesuisuiai o kamupani inisiua e ono faasaoina mai ai se tupe tele pe lata i le 700 i le tausaga mo se aiga e toafā ni tagata e iai ae e iai foi mafuaaga ua oso maualuga ai le tau o inisiua nei e pei o le ogaoga o uiga o le tau, o lologa i Aukilani ma le afā o Gabrielle ma le maualuga o le inflation.
E lē gata i lea ae ua siitia foi le tau o lipea e faia i taavale ma ua leai se mea e lē siitia sona tau.
Ua faailoa foi i le suesuega o le maualuga tele o le tau o le inisiua ua filifili ai nisi aiga o le a lē faia ni inisiua o a latou taavale ona ua lē gafatia.
