Search

Siitia le tupe e totogi i le masina e faletelevise e tolu i Samoa

O lea ua amata le masina nei le siitaga fou o le totogi o le faaaogaina o faletelevise i le atunuu o le fesootaiga o le digital o loo faatino mai ese pisinisi tumaoti i Samoa.

O lea siitaga fou ua na’o le 3 faletelevise i Samoa o loo faagaioia faapisinisi poo commercial television ua siitia i le $23,000 tala i le masina latou te totogi i lea pisinisi. Ae o isi faletelevise uma o loo tumau pea le totogi e $18,000 tala i le masina.

O le TV1 i Mulinuu, le TV3 ma le televise o le EFKS TV poo le TV2 ua siitia mai le $18,000 i le $23,000 tala ma o se siitaga e $5000 tala ua faaopoopo. Faaalia e le Minisita o Fesootaiga ma Faamatalaga Faatekonolosi le afioga Toelupe Poumulinuku Onesemo o le fono o le Pule Faatonu le Regulator ma sui o le Kamupani o loo faagaioia fesootaiga o le digital tv faapea sui o faletelevise uma i le atunuu na tuuina atu ai se manaoga o lea Kamupani ua tatau ona sii le totogiina i le masina o lana auaunaga ona ua iai tulaga faaletonu ua feagai ma le Kamupani i le lē feauauta’i o lana faasoa tau tupe i le totogiina o ana tagata faigaluega aemaise o lana auaunaga ma le toe totogiina o lana nonogatupe e 10miliona tala ma amata faavae ai le Kamupani.

Ua ioe le Minisita i atugaluga a le Kamupani lenei e pei ona ia faailoa mai i faamaumauga tau tupe ina ua maua iai se feiloaiga i lona Ofisa. 

O le isi tulaga na faailoa e Toelupe o le faaiuga lea a le Pule Faatonu e sii na’o le totogi i le masina mo Faletelevise e tolu e pei ona faailoa atu ona o a latou faamatalaga tau tupe ua maea ona sueina, tupe ia e maua i le tausaga na tuuina atu o loo iloa ai o loo lelei ma siitia peitai o isi faletelevise o loo tumau pea i le $18,000  i le masina o loo lē mautonu ma tumau le tupe maua i le tausaga.

E 20 tausaga ua maea ona faamautū e le faigamalo sa iai e faagaioia ai e le Kamupani o le Samoa Digital Communication Ltd poo le SDCL le tuuina atu o lea fesootaiga mo le Faletelevise uma i se tulaga faakonekarate. Peitai o le isi lea o vaega na faaalia e le Minisita o le a toe silasila iai le faigamalo fou ina ia mafai ona faatino e le Mālō lea auaunaga ina ia mafai ona tuuina atu lea tautua tau fesootaiga i se tau maualalo e gafatia, i le sini autu o faiga faavae tau pisinisi o faigamalo ua iai nei ia faaola ma faatupulaia tulaga lelei o pisinisi tau fesootaiga i le atunuu aemaise o pisinisi uma.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required