Siitia le fainumera o tagata e aafia i solitualafono a’o faasuā’avā

I faamaumauga a se tasi o faalapotopotoga a se Ekalesia o loo faatautaia polokalame toe fuatai mo i latou o loo taumafa ava malosi faailoa ai le siitia pea o mataupu ia e faaoo atu i lea Faalapotopotoga i tausaga taitasi talu mai le tausaga e 2019. 

O lea Faalapotopotoga o le Salvation Army Addiction  ma i se faatalatalanoaga ma le Samoa Observer na faailoa ai le siitia o le fainumera mai le 25 i le 27 pasene. 

Ina ua fesiligia e lea lomiga tulaga o faamaumauga i ia fainumera na taua e Natalie Senio o se sui o lea auaunaga o le tele o nei mataupu faamatuu atu e mai le Matagaluega o Faamasinoga. I le tausaga e 2019 e 334 tagata na faaoo atu mo togafitiga poo treatment i vaega tau i le faaititia o le aafiaga ua aafia ai ona o le ava malosi, lea na siitia I le tausaga e 2020 i le to’a 402 ae to’a 535 i le tausaga na te’a nei. 

I mataupu mai le tausaga na te’a e to’a 194 na lipotia i le ave taavale a’o faasuā’avā. Taua foi i ripoti o le numera maoa’e o tagata e aafia i le pia e mai iai latou o loo faafoeina taavale i luga o auala tele poo le D.U.I.

Taua e Natalie e iai le popolega a lea Faalapotopotoga ona e lē asa se aso malolo ma ni tagata e maua o loo faasuā’avā i luga o auala tele vavave . 

Faailoa foi e lea tamaitai e fai lava si umi ona tau vaaia ni suiga iai latou e auina atu mo le latou auaunaga peitai o le galulue faatasi lava e māmā ai se avega ma mafai ona toe fuatai ai ola o nei tagata. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required