Ua vaaia pea lava le siitia o le itupa o tamaitai e fiafia i le taaloga o le lakapi aemaise o le laufaliina o ia taaloga ma le avea ai foi ma faiaoga.
O le taaloga o le lakapi ua vaaia ua siitia iai le aofai o tamaitai taaalo talu mai le tausaga talu ai 2022.
O loo faamauina foi le faaitiitia o le aofai o alii laiti e fiafia i le taaloga ma o le vaiaso nei ua faamaonia ai e le NZ Rugby, e 147,434 tagata taaalo mo le season o le tausaga nei 2023 ma ua 7 pasene ua siitia ai peitai o le aofai o alii taaalo talavou ua faaititia pea.
E ui la i lea tulaga ae ua faailoa foi e sui o le NZ Rugby o loo tumau pea ona lelei results poo iuga o taaloga a tama.
E tele isi vaega o loo silasila iai le NZ Rugby e faaleleia atili ai tama taaalo ma le sauni atu foi i le tausaga fou ma ona taamilosaga.
