Ua faamauina le siitia o le aofaiga o tagata Ausetalia ua saili fesoasoani mo auaunaga e feagai ma mataupu tau i tagata e leai ni mea e nonofo ai ina ua faaauau pea ona matauina le siitaga i le tau o fale mautotogi ma le tau foi o le soifuaga.
O faamaumauga lata mai a le Australian Institute of Health and Welfare ua faailoa ai ua oo atu i le tusa ma le 8,400 tagata faaopoopo ua latou asia auaunaga ia e feagai ma le sailia o ni mea e nonofo ai.
O Tasmania le faaitu lea o loo pau iai le mamafa o le mataupu lea tau fale ma ua faailoa foi le siitia o le aofai o tagata o loo talosaga mo ni fale.
O Western Australia foi ma le itu i Saute atoa ai ma Niu Sa Uelese o loo faamauina ua siitia uma le aofai o tagata o loo saili fesoasoani mo ni nofoaga saogalemu e aumau ai.
