Ua faia le faaiuga a le pulega tutoatasi e gafa ma totogi o sui usufono o le Palemene a Niu Sila o le a maua siitaga o totogi i le tausaga lenei.
Ua silia nei ma le ono tausaga o leai se siitaga o totogi ma o le aoauli ananafi na faalauiloa mai ai le faaiuga a le Independent Remuneration Authority, lea e lē gata o le tausaga lenei ae o tausaga o totoe o lenei paeaiga.
O lenei siitaga o loo faafoi i tua lona totogiina mai ia Oketopa o le tausaga talu ai e maua ai le 2.8% faaopoopo, faapea le 2.9% e amata totogi i le aso muamua o Iulai o le tausaga lenei, 2.4% mai ia Iulai o le tausaga fou, ma le is 2% mai ia Iulai o le 2026.
O nai vaiaso e lei mamao atu lea na fai mai ai taitai o le National, Christopher Luxon faapea le Labour ia Chris Hipkins ua tatau ona faia se faaiuga tutoatasi a le pulega.
Ae mai le sooupu a le Palemia ananafi, o lana siitaga o le a foai uma lea i le charity.
Puna o Faamatalaga: Politicians to receive pay rise after six-year freeze (1news.co.nz)
