Search
Search
Rent Hike

Si’i rent totogi a le Auckland Uni, aloaia mai le tausaga fou

8% lea o le a sii ai rent I le vaiaso mo fanau aoga o loo nofo totogi I fale a le Iunivesite a Aukilani, ma ao fai mai ai fanau ua taugata tele, e le o le manatu lea o le iunivesite.

O lea o loo totogi e fanau aoga le $470 I le vaiaso mo le potu e tasi I fale nei o loo puleaina e le iunivesite, peitai mai le tausaga fou o le a sii I luga I le $510 tusa lea ma le 8%.

Molimau ai nisi o fanau aoga sa nofo totogi I potu lava nei I le tausaga talu ai, sa o latou totogia le $435 I le vaiaso.

Ua tutu faatasi ai fanau aoga ma sainia le petition poo la latou talosaga aloaia ma tuuina atu I le iunivesite sei toe tagatagai I le taugata pe a sii rent totogi faatusa I le tau o fale nofo totogi I le taulaga aemaise o le fesoasoani mai le malo o loo mafai ona agavaa ai fanau aoga.

 I se tali mai a le pulega o le iunivesite a Aukilani, e le faatusalia le taugata o potu totogi nei I isi iunivesite.

Foliga mai ai e le na o le iunivesite a Aukilani, o lea foi ua vaavaai le iunivesite o Otago e sii latou I le 3%, ao le iunivesite a Victoria I Ueligitone, e le o mautinoa se pasene ae o loo vaavaai e faia suiga.

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required