Ua sii le tau e fai ai le tusifolau ma o loo fetauaina e ono faaauau pea ona siisii i le isi lua tausaga o lumanai. O le ta o le 12 i le po anapo na aloaia ai le siitaga lea ua $199 tala Niu Sila e fai ai le tusifolau o le tagata matua mai le $191 na iai muamua ma o le a aogā mo le 10 tausaga, o le tusifolau o le tamaititi ua sii mai le $111 na iai i le 115 mo le 5 tausaga. 

O le a toe siitia foi ia Me o le tausaga fou i le $206 mo tagata matutua ma le $120 mo tamaiti. Fai mai le sui o le matagaluega o mataupu faalotoifale, Jan Tinetti o le siitaga i le tau e mafua i le faaitiitia o le manaomiaga talu mai le koviti. Mo le toeitiiti 2 tausaga na tapunia ai tuaoi o Niu Sila ma lapataia ai tagata i le faimalaga atu i isi atunuu.  

Ua faailoa foi e le matagaluega e lē taumate o le a toe vaaia le siitia o le manaoga o le faia o tusifolau i le taimi nei auā o lea ua toe tatala tuaoi o atunuu.