Ua sii e le aulakapi taitoafitu a le Malisi Sagato Iosefo le Ipu o le siamupini o le vae lona 4 o le taamilosaga o loo faagasolo a le Vodafone, ina ua manumalo i le sailiga o le siamupini lea na fetaui ai ma se tasi o ‘au malosi o le taamilosaga le ‘au a le Tepatasi Pacific Ezy.
O le Ott Constructors Laulii Lions ua tulaga tolu i le vaega o alii. O le vaega o tamaitai ua siamupini le ‘au a le Nafanua ae tulaga lua le Teine Savaii, tulaga tolu ai le ‘au a le Teine Upolu.
O le Aso Faraile ma le Aso Toonai na tea nei sa faagasolo ai le taamilosaga i le malae o le Apia Park faapea le malae taalo a le Malisi i Lotopa ma ua toe tapena nei ‘au mo le vae lona 5.
