Search
Screen Shot by FAST Party fb

Siamupini le Laulelei o Amoa i le Liki Kirikiti o le Teuila 2023

Ua siamupini le Laulelei o Amoa mai Saipipi i le Liki Kirikiti Samoa o le Teuila o lenei tausaga, ina ua malolo ai le Tanifa o le Vao mai le afioaga o Sili i le sailiga siamupini.

Na faailoa e le faatamā o le komiti mo le Kirikiti Samoa le Afioga Laaulialemalietoa Leuatea Polotaivao Fosi Schmidt o lenei lava faamoemoe o le taumafai ina ia lalaga pea le kirikiti a Samoa lava ia na masani mai ai ua tauau ina mou atu.

O le Ipu o le Siamupini ma le Talita na saunia e le SSAB faatasi ai ma le seleni e $5,000 le faailoga o le manumalo.

Ua fā tausaga o umia e le ‘au a le Tanifa o le Vao mai le afioaga o Sili le siamupini, ae o lea ua see atu i le Laulelei o Amoa le Siamupini.

O le tulaga tolu na maua lea e le ‘au e tasi mai Upolu i le afioaga o Falefa o le Uso Fealofani.

Na latou maua le ipu ma le faailoga tupe e $3,000.

Ma le tulaga fā na maua lea e Tama o le Faifaimālie mai Vaipu’a, o le faailoga o le ipu ma le faailoga tupe e $1,000.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required