Ua faamatala e nisi o pasese sa i luga o le faigamalaga a le Jetstar lea na sesee ese mai le runway i Kalaiesetete le tulaga na tupu ina ua tulaueleele le vaa.

Na ta’ua e molimau i le One News na sologa lelei lava le faigamalaga ma tulaueleele lelei foi ae o ni nai sekone talu ona faato‘ā tulaueleele ae faalogoina loa le saosaoa o le alu a le vaalele ma faalogoina e foliga ua vave ona liliu ma tu faafuasei ai.

Fai mai pasese e faalogoina e pei na iai se mea na aafia atu i le vaa ma sa faailoa ane e le pailate o loo iai nai tulaga o loo siaki ma e ao ona faatali tagata uma mo le isi faatonuga.

Faamatala e nisi pasese na faailoa atu e le pailate o loo iai se faaletonu, hydraulic leak ae o le itu e faafetai ai e leai se soifua o aafia.

O loo faia nei suesuega i lenei mataupu ae o le vaalele na malaga mai Aukilani i Kalaiesetete, o loo ta’ua i isi lipoti ua faalēaogāina ai ma isi faigamalaga agai atu i le malaevaalele lea ona o lea faaletonu.

Puna o Faamatalaga: https://www.1news.co.nz/2024/05/31/christchurch-jetstar-landing-all-of-a-sudden-we-swerved